![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A interferencia d'ARN (a sobén identificada per siglas RNAi, de l'anglés RNA interference) ye un sistema que, a dintro d'as celulas vivas, influye en o control de cuals d'os chens se troban activos y cuals no el son. Dos tipos de moleculas d'ARN son prencipals en o proceso: o microRNA (miRNA) y o RNA d'interferencia menudo (siRNA). As moleculas d'ARN son o producto directo d'os chens, y los ditos ARNs pueden unir-se a belaltras moleculas d'ARN concretas y, u bien augmentar a suya actividat, u bien fer-la disminuir, p. ex. bloquiando que un ARN mensacher pueda producir a proteína que codifica. A interferencia d'ARN chuega un papel prencipal en adefensa d'as celulas eucariotas contra bels elementos chenicos parasitos, como virus y transposons, pero tamién son importants en a regulación d'a expresión chenica cheneral d'as celulas vivas.
A vía d'a interferencia d'ARN se troba en muitos eucariotas, incluyindo-se-ie os animals, y s'enzata con l'acción d'o enzima dicer, que converte moleculas de ARN de doble cadena (dsRNA) en fragmentos curtos d'a redol de 20 nucleotidos d'ARN (que mantiene a estructura de doble cadena complementaria) que son aptos ta involucrar-se en os procesos d'interferencia. Una d'as dos cadenas de cada fragmento, dita la «cadena guida», se incorpora en o complexo de silenciamiento indueito con ARN (RISC, pronunciar «erre í esecé», no pas «risc»). Un d'os resultatos millor estudeatos son o silenciamiento post-transcripcional de chens, lo cual gosa pasar cuan as bases d'a cadena guida s'aparellan con una secuencia complementaria d'una molecula d'ARN mensacher y ansinas se dispara la catalisi d'o proceso per mans de l'elemento «argonauta», l'elemento activo d'o complexo RISC.
L'efecto tan selectivo anque poderoso que a interferencia d'ARN tiene la ye convertita en una ferramienta experimental prencipal, tanto en as celulas de cultivo (in vitro) como en organismos vivos (in vivo).
© MMXXIII Rich X Search. We shall prevail. All rights reserved. Rich X Search